ਗੁਰੂ ਗ੍ਰੰਥ ਸਾਹਿਬ ਅਤੇ ਦਸਮ ਗ੍ਰੰਥ (ਉਰਫ਼ ਦਸ ਨੰਬਰੀ ਕਿਤਾਬ) ਵਿਚ ਮੁਖ ਫ਼ਰਕ ਕੀ ਹੈ?

(ਡਾ: ਹਰਜਿੰਦਰ ਸਿੰਘ ਦਿਲਗੀਰ)

1.ਗੁਰੂ ਗ੍ਰੰਥ ਸਾਹਿਬ ਵਿਚ ਨਾਮ ਰਸ, ਸ਼ਾਂਤ ਰਸ, ਪ੍ਰੇਮ ਤੇ ਭਗਤੀ ਰਸ ਹੈ;
ਦਸਮ ਗ੍ਰੰਥ (ਉਰਫ਼ ਦਸ ਨੰਬਰੀ ਕਿਤਾਬ) ਵਿਚ ਕਾਮ ਰਸ (ਤੇ ਪਾਪ ਰਸ), ਰੌਦਰ ਨਹੀਂ ਬਲਕਿ ਨਫ਼ਰਤ ਰਸ, ਜ਼ੁਲਮ ਰਸ, ਵੀਭਤਸ ਰਸ ਹਨ।
2.ਗੁਰੂ ਗ੍ਰੰਥ ਸਾਹਿਬ ਵਿਚ ਰੱਬ ਨਾਲ ਮਿਲਣ ਦਾ, ਲੋਕਾਈ ਨਾਲ ਪਿਆਰ ਕਰਨ ਦਾ ਸੱਚ ਦਾ, ਪੁੰਨ ਦਾ ਰਸਤਾ ਦੱਸਿਆ ਹੋਇਆ ਹੈ;
ਦਸਮ ਗ੍ਰੰਥ (ਉਰਫ਼ ਦਸ ਨੰਬਰੀ ਕਿਤਾਬ) ਵਿਚ ਭੋਗ ਕਰਨ ਦੇ ਤਰੀਕੇ, ਪਤੀ ਤੇ ਭਰਾ ਨਾਲ ਬੇਈਮਾਨੀ ਕਰਨ, ਧੋਖਾ ਕਰਨਾ, ਪਾਪ ਕਰ ਕੇ ਸਜ਼ਾ ਤੋਂ ਬਚਣ ਦੇ ਰਸਤੇ ਦੱਸੇ ਹੋਏ ਹਨ।
3. ਗੁਰੂ ਗ੍ਰੰਥ ਸਾਹਿਬ ਵਿਚ ਅਕਾਲ ਪੁਰਖ ਅੱਗੇ ਅਰਦਾਸਿ ਹੈ;
ਦਸਮ ਗ੍ਰੰਥ (ਉਰਫ਼ ਦਸ ਨੰਬਰੀ ਕਿਤਾਬ) ਵਿਚ ਸੁਰਜ (ਰਵਿ), ਸਸਿ (ਚੰਨ), ਮਹਾਂਕਾਲ (ੀਸ਼ਵ), ਦੁਰਗਾ/ਭਗਉਤੀ ਰਖਵਾਰ ਤੇ ਸਹਾਈ ਹੁੰਦੇ ਹਨ।
4. ਗੁਰੂ ਗ੍ਰੰਥ ਸਾਹਿਬ ਵਿਚ ਅਨਹਦ ਨਾਦ ਵਜਦਾ ਹੈ;
ਦਸਮ ਗ੍ਰੰਥ (ਉਰਫ਼ ਦਸ ਨੰਬਰੀ ਕਿਤਾਬ) ਵਿਚ ਜਦ ‘ਜਾਰ’ (ਗ਼ੈਰ ਮਰਦ) ਭੋਗ ਕਰਦਿਆਂ ਧੱਕਾ ਮਾਰਦਾ ਹੈ ਤਾਂ ਢੋਲ ਢਮੱਕਾ ਵਜਣ ਵਾਲੀ ਆਵਾਜ਼ ਆਉਂਦੀ ਹੈ।
5. ਗੁਰੂ ਗ੍ਰੰਥ ਸਾਹਿਬ ਵਿਚ ਚੰਦਨ, ਮਲਆਨਲੋ, ਮਕਰੰਦ ਦੀ ਖ਼ੁਸ਼ਬੂ ਹੈ;
ਦਸਮ ਗ੍ਰੰਥ (ਉਰਫ਼ ਦਸ ਨੰਬਰੀ ਕਿਤਾਬ) ਵਿਚ ਕਾਮ, ਵੀਰਜ, ਅਫ਼ੀਮ, ਸ਼ਰਾਬ, ਗੁਪਤ ਅੰਗ ਦੇ ਵਾਲਾਂ, ਘੌੜੀ ਦੇ ਮੂਤ, ਟੱਟੀ ਫਿਰਨ ਗਏ  ਲੋਕਾਂ ਦੀਆਂ ਖੋਹੀਆਂ ਹੋਈਆਂ ਪੱਗਾਂ ਵਿਚਲੀ ਮੈਲ ਦੀ ਬੋਅ ਆਉਂਦੀ ਹੈ।
6. ਗੁਰੂ ਗ੍ਰੰਥ ਸਾਹਿਬ ਵਿਚ ਏਕੋ ਹੈ ਤੇ ਬੱਸ ਏਕੋ ਹੈ;
ਦਸਮ ਗ੍ਰੰਥ (ਉਰਫ਼ ਦਸ ਨੰਬਰੀ ਕਿਤਾਬ) ਵਿਚ ਦੂਤੀਆ ਹੈ, ਮਾਇਆ ਦਾ ਰਾਜ ਹੈ।
7.ਗੁਰੂ ਗ੍ਰੰਥ ਸਾਹਿਬ ਵਿਚ ਬੰਦਾ ਆਪਾ, ਹਉਮੈ, ਦੁਤੀਆ ਭਾਉ ਗੁਆ ਕੇ ਗੁਰੂ ਦਾ ਸਿੱਖ ਬਣਦਾ ਹੈ;
ਦਸਮ ਗ੍ਰੰਥ (ਉਰਫ਼ ਦਸ ਨੰਬਰੀ ਕਿਤਾਬ) ਵਿਚ ਸ਼ਰਾਬ ਪੀ ਕੇ ਮਹਾਂਕਾਲ ਦਾ ਸਿੱਖ ਬਣਦਾ ਹੈ।
8. ਗੁਰੂ ਗ੍ਰੰਥ ਸਾਹਿਬ ਵਿਚ ਅਕਾਲ ਪੁਰਖ ਸਾਰੀ ਰਚਨਾ ਆਪਣੇ ਆਪ ਚੋਂ ਕਰਦਾ ਹੈ;
ਦਸਮ ਗ੍ਰੰਥ (ਉਰਫ਼ ਦਸ ਨੰਬਰੀ ਕਿਤਾਬ) ਵਿਚ ਕੰਨ ਦੀ ਮੈਲ ਚੋਂ ਧਰਤੀ ਬਣਦੀ ਹੈ।

9.ਗੁਰੂ ਗ੍ਰੰਥ ਸਾਹਿਬ ਸੱਚ (ਰੱਬ) ਦਾ ਗ੍ਰੰਥ ਹੈ।
ਦਸਮ ਗ੍ਰੰਥ (ਉਰਫ਼ ਦਸ ਨੰਬਰੀ ਕਿਤਾਬ) ਸ਼ੈਤਾਨ ਦੀ ਕਿਤਾਬ ਹੈ। 

ਇਹ ਗ੍ਰੰਥ ਨਹੀਂ ਬਲਕਿ ਬੀਮਾਰ ਮਾਨਸਿਕਤਾ ਵਾਲੇ ਲਿਖਾਰੀਆਂ, ਚਾਰਵਾਕ ਸੋਚ ਵਾਲੇ, ਵਿਭਚਾਰੀ ਜ਼ਿੰਦਗੀ ਜਿਊਣ ਵਾਲੇ, ਸਾਪਤ ਮੱਤ ਦੇ ਲਿਖਾਰੀਆਂ ਦੀਆਂ ਰਚਨਾਵਾਂ ਦਾ ਕੂੜਾ ਕਬਾੜਾ ਹੈ।

ਡਾ: ਅਵਤਾਰ ਸਿੰਘ ਜੌੜਾ ਦੇ ਲਫ਼ਜ਼ਾਂ ਵਿਚ:
“ਗੁਰੁ ਗ੍ਰੰਥ ਸਾਹਿਬ ਜੇ ਵਿਸ਼ਾਲ ਸਮੁੰਦਰ ਹੈ ਤਾਂ ਦਸਮਗ੍ਰੰਥ ਬਦਬੂ ਮਾਰਦਾ ਛੱਪੜ ਹੈ; ਜੇ ਗੁਰੁ ਗ੍ਰੰਥ ਸਾਹਿਬ ਦਰਸ਼ਨ ਭਰਪੂਰ ਹੈ ਤਾਂ ਦਸਮਗ੍ਰੰਥ ਖਲਾਅ, ਭਟਕਣਾ, ਮਰੀਚਕਾ ਭਰਪੂਰ ਹੈ; ਜੇ ਗੁਰੁ ਗ੍ਰੰਥ ਸਾਹਿਬ ਵਿਚ ਜੀਵਨ ਜਾਚ, ਮੁਕਤੀ, ਸਰਬਸਾਂਝੀਵਾਲਤਾ, ਸ਼ਾਂਤੀ ਤੇ ਅਨੰਦ ਹੈ ਤਾਂ ਦਸਮਗ੍ਰੰਥ ਮਾਨਸਿਕ, ਸਰੀਰਕ ਖੰਡਤਾ ਦਾ ਗ੍ਰੰਥ ਹੈ।”